एकट्याने राहण्याची कधी वेळ आली, तर जेवणाचे काय करायचे हा प्रश्न असतो. कधी कधी स्वयंपाक येत नसतो, तर कधी करायचा कंटाळा आला असतो किंवा कधी करायचे काय, असाही प्रश्न येतो. अशा वेळी कविता महाजन यांचे हे पुस्तक मदत करू शकते. पुस्तकाच्या प्रारंभी त्यांनी स्वयंपाकघरातली उपकरणे व भांड्यांची माहिती आणि स्वयंपाकाची पूर्वतयारी कशी करावी, याचे मार्गदर्शन केले आहे.
ओल्या-सुक्या चटण्या आणि लोणची हा खास विभाग पुस्तकात आहे. त्यानंतर उन्हाळा, हिवाळा आणि पावसाळा असे तीन विभाग केले आहेत. पाककृती देताना प्रथम एक प्रमुख पदार्थ आणि त्याच्या बरोबरीला दुसरा पदार्थ अशी रचना केली आहे. उदा. कडधान्यांची खिचडी आणि त्याबरोबर आमसुलाचे सार किंवा चिंचेच भात आणि बरोबर राव्याची लापशी. या विभागांमधून फळे, फळभाज्या, भाजीपाला, कडधान्यांपासून तयार करता येतील, असे पदार्थ शिकायला मिळतात.
प्रकाशक : इंद्रायणी साहित्य प्रकाशन
पाने : ११२
किंमत : १२५ रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)